Policia e Kosovës ka arrestuar edhe personin e dytë lidhur me mosdhënien e ndihmës një të moshuari në Gjilan, i cili më pas vdiq.

Lajmin e ka konfirmuar për arbresh.info zëdhënësi i policisë në Gjilan, Ismet Hashani.

Ai ka thënë se i dyshuari  me urdhër të prokurorit është ndaluar për 48 orë.

“Është arrestuar edhe personi i dytë. Akuzohet për mos dhënie të ndihmës personit me nevojë. Prokurori I shtetit ka urdhëruar pasi që ka marrë urdhër me arrest në prani të avokatit, ka vendos me ndal për 48 orë”, tha Hashani.

Ai tha se Policia e Kosovës është duke e hetuar rastin në detaje.

Ngjarja që ka ndodhur javën e kaluar ka tronditur të gjithë duke marrë komente negative.

Për këtë rast deri më tani janë arrestuar dy persona. /Arbresh.info

https://www.youtube.com/watch?v=JwSXFbpf_1A